Լուրեր
Վարակի տարածման պիկին չենք հասել. իրավիճակը վերահսկելի է, կոլապս չի լինի

Հայաստանում կորոնավիրոսով հիվանդացության հաստատված 482 դեպք կա: Նրանցից 14-ի վիճակը գնահատվում է ծանր, մեկինը՝ ծայրահեղ ծանր, որի մոտ սակայն, ըստ առողջապահության նախարարության ապաքինման դրական միտումներ են նկատվում: Վարակակիրների մեջ կա նաև բուժաշխատող:

Թեմայի շուրջ «Առաջին լրատվական»– ի հետ քննարկմանը մասնակցեցին ԵՊԲՀ համաճարակաբանության ամբիոնի ավագ դասախոս Արման Բադալյանը, բժիշկ-թերապևտ Հայկ Մանասյանը և ֆիզիոթերապևտ Արմեն Աբրահամյանը:

«Սպասում էինք, որ դեպքերի թիվը կավելա: Այսօր ունենք ախտորոշման սահմանափակ հնարավորություններ, միգուցե իրական դեպքերի թիվն ավելի մեծ լինի, եթե իրականացնենք զանգվածային թեստավորում: Հստակ կանոններ չկան, յուրաքանչյուր երկիր փորձում է իր մեխանիզմներով պայքարել կորոնավիրուսի դեմ: Այն, ինչ արեց Չինաստանը, աննախադեպ էր, Չինաստանն արեց անհնարինը՝ մեկուսացրեց մեկուկես միլիարդ մարդու»,- նշեց Արման Բադալյանը:

Արման Աբրահամյան կարծիքով՝ վարակի պիկին դեռ չենք հասել, իրավիճակը վերահսկելի է «Վարակի արագ տարածման փուլը դեռ չենք անցել: Մեկուսացվածների շփման շրջանակից կարծում եմ դեռ վարակակիրներ ի հայտ կգան, դեռ կավելանա թիվը, բայց վարակակիրների թվի կտրուկ բարձրացում. չեմ կարծում, որ կլինի»:

Հայկ Մանասյանը նշեց, որ պաշտոնական տվյալների համաձայն՝ ամեն տարի Հայաստանում շնչառական համակարգի հիվանդություններով հիվանդացության թիվը կազմում է մոտ 180 հազար մարդ. «Այսինքն՝ ամեն օր 500-ից ավելի մարդ է հիվանդացել շնչառական համակարգի որևէ հիվանդությամբ: Եվ այս 180 հազարից ամեն տարի մոտ 2 հազար մահ է գրանցվել, այսինքն՝ միջինացված տվյալներով՝ օրը 2 մարդ է մահացել: Եթե այսպիսի թվերի պարագայում ամեն տարի կոլապս չի եղել, այս տարի էլ խուճապի չմատնվելու և խելացի ու ադեկվատ վարվելու դեպքում, կարծում եմ, կոլապսի չենք հասնի, և միշտ կբավականացնեն մեր ռեսուրսները: Իսկ դրա համար չպետք է հիվանդներին կենտրոնացնել մեկ կենտրոնում»:

Ա. Բադալյանը նշեց, որ մի շարք ասոցիացիաների անունից դիմել են կառավարությանը՝ հանդես գալով մի շարք առաջարկներով՝ մասնավորապես առաջարկվում է երկարացնել և խստացնել կարանտինի ռեժիմը, պարետին կից ստեղծել մասնագիտական խումբ, որը կներառի վիրուսաբանների համաճարակաբանների և այլն, կատարել հիվանդների ճիշտ թիրախավորում:

Մանրամասն՝ տեսանյութում:

  • Դիտումներ՝ *