Հոլանդիայում թանգարանից գողացել են Վինսենտ Վան Գոգի կտավը: Այդ մասին հայտնում է Associated Press-ը:
Ամստերդամի մոտակայքում գտնվող Singer Laren թանգարանը, որտեղ տեղի է ունեցել գողությունը, ներկայում փակված է կորոնավիրուսային համաճարակի պատճառով: «Գարնանային պարտեզ» նկարը գողացել են մարտի 30-ի առավոտյան:
Թանգարանի տնօրեն Էվերտ վան Հոսը պարզաբանել է, թանգարանի պաշտոնյաները զայրացած, ցնցված և վշտացած են դեպքի կապակցությամբ: Նրա խոսքով՝ կտավը վարձակալվել է Գրոնինգենի թանգարանից: Գողացված արվեստի գործի արժեքը շուտով պարզ կլինի: