Հաշվի առնելով, թե ինչ արագությամբ է տարածվում հիվանդությունը բազմաթիվ սահմանափակումների պարագայում, ես իսկապես կասկածում եմ Ադրբեջանում կորոնավիրուսով վարակվածների թվերի արժանահավատության վրա: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Տաթևիկ Հայրապետյանը:
Նրա խոսքով, Ալիևն ինքը, նաև կառավարության ներկայացուցիչը խոստովանում են, որ վիճակը լավ չէ. «Նույնիսկ իրավիճակը համեմատեց Իսպանիայի հետ՝ նշելով, որ եթե ավելի խիստ միջոցներ չկիրառվեն, ապա Ադրբեջանը գնում է Իսպանիայի ճանապարհով: Սա բավական համարձակ հայտարարություն է: Իսկ Ալիևը, որ երեկ հիվանդանոցի բացմանն էր մասնակցում, իր հայտարարության մեջ ասաց, որ Ադրբեջանի համար ծանր ժամանակներ են, որովհետև նավթի գներն էլ են աննախադեպ անկում ապրել»,-ասաց նա: