Կորոնավիրուսային վարակով հիվանդների թիվը դարձել է 98, ասվում է կառավարության stopcov.ge կայքում:
98-ից առողջացել է 18 մարդ: Մեկուսացված են 4 978-ը, իսկ հիվանդանոցային բուժում է ստանում 266 մարդ:
Վերջին 6 վարակվածների վարակման աղբյուրը հայտնի է, լրագրողներին ասել է Թբիլիսիի ինֆեկցիոն հիվանդանոցի տնօրեն Մարինա Էզգուբայան:
Նրա խոսքերով, վերջին 6 վարակվածները հիվանդանոցում բուժվող 2 վարակավածների հետ շփումներ են ունեցել:
«Երեկ ավելացավ եւս մեկ դեպք, աղբյուրը՝ Անգլիան է: Մնացած 6 վարակվածների աղբյուրները հայտնի չեն: Նրանցից 4-ը տեղափոխվել են Գորիի հոսպիտալ, իսկ 2-ը՝ համալսարանական կլինիկայում են»,- ասել է Էզգուբայան:
Ինչ վերաբերում է հիվանդների առողջական վիճակին, ապա Էզգուբայայի խոսքերով, նրանցից 6-ը գտնվում են ծանր վիճակում:
Թբիլիսիի ինֆեկցիոն հիվանդանոցում մնում են դեռ 29 հիվանդներ, որոնցից 3-ը երեխաներ են: Նրանց վիճակը բավարար է, երկու երեխաներ արդեն դուրս են գրվել:
Ըստ մասնագետների, մոտակա 5 շաբաթները Վրաստանի համար կորոնավիրուսի դեմ պայքարում վճռորոշ կլինեն: