Լուրեր
Չստացվի հանկարծ, որ դիահերձումն արգելելով՝ խոչընդոտենք հանցագործության բացահայտմանը. Միրզոյան
  • 14:55
  • 2020-03-30
  • Դիտումներ՝ *

Այսօր՝ մարտի 30-ին, Ազգային ժողովում հրավիրվել է արտահերթ նիստ: Այժմ քննարկվում է Բնակչության բժշկական օգնության և սպասարկման մասինմասին օրենքում լրացումներ կատարելու մասին օրենքի նախագիծը:

Ինչպես նշեց առողջապահության փոխնախարար Անահիտ Ավանեսյանը` կորոնավիրուսի հիվանդության հետևանքով մահացած անձի հերձումը կարող է առաջացնել վարակի տարածման աննախադեպ հետևանքներ:

ԱԺ նախագահ Արարատ Միրզոյանը նկատեց` դիտավորությամբ որևէ մեկին մահ պատճառելը կարող է լինել այն տեսքով, որ սպանվածի արտաքին նշաններից չերևա, ասենք` լինի թույնի տեսակ. «Կարո՞ղ է արդյոք չարամիտ մարդը թունավորել մեկին այնպիսի թույնով, որ արտաքին նշան ցույց չտա` առանց դիահերձման: Չստացվի այնպես, որ մենք, դիահերձումն արգելելով, խոչընդոտենք հանցագործության բացահայտմանը»,- իր մտահոգությունը հայտնեց ԱԺ նախագահ Արարատ Միրզոյանը:

 

Մանրամասները՝ տեսանյութում:

  • Դիտումներ՝ *