Վարչապետ Նիկոլ Փաշինյանը կառավարության նիստում ցավակցություն հայտնեց կորոնավիրուսից մահացած անձանց հարազատներին:
Վարչապետն անդրադարձավ, մասնավորապես, մահվան երկու դեպքերին՝ նշելով, որ երկու պացիենտներն էլ ունեցել են շատ ծանր խրոնիկական հիվանդություններ:
«Նրանցից մեկն ունեցել է սրտի իշեմիկ հիվանդություն, զարկերակային գերճնշում: Երկրորդն ունեցել է սրտի իշեմիկ հիվանդություն, զարկերակային հիպերտոնիա, սրտամկանի ինֆարկտից և ինսուլտից առաջացած հետևանքներ: Այս կարգի քաղաքացիների նկատմամբ առանձնահատուկ ուշադրություն է պետք, որպեսզի նրանք հանկարծ չվարակվեն, որովհետեւ շատ մեծ ռիսկի դաշտում են հայտնվում»,- ասաց Նիկոլ Փաշինյանը:
