Լուրեր
Կորոնավիրուսով հիվանդներից մեկի վիճակը ծայրահեղ ծանր է, 14-ինը՝ ծանր. Արսեն Թորոսյան
  • 12:47
  • 2020-03-30
  • Դիտումներ՝ *

Կորոնավիրուսով վարակված մարդկանցից ծայրահեղ ծանր վիճակում է մեկը, տասնչորսի վիճակը, ըստ բժիշկների, ծանր է:

Առողջապահության նախարար Արսեն Թորոսյանն այսօր Կառավարության նիստի մեկնարկին ասաց, որ ծայրահեղ ծանր վիճակում գտնվող մարդու, ինչպես նաև ծանր դեպքերից երկուսի առողջությունը բարելավվում է. – «Չեմ ուզում, իհարկե, առաջ ընկնել դեպքերից, բայց ծայրահեղ ծանրը հավանաբար կդառնա ծանր, այսինքն բարելավում ունենք, հնարավոր է ինտուբացիան դադարեցնենք, այսինքն արհեստական օդափոխության սարքը անջատենք, և ինքնուրույն կշնչի պացիենտը: Եվ ևս երկու ծանր, որոնք մենք գնահատում էինք, որ հնարավոր է դառնան ծայրահեղ ծանր, մեր բժիշկների աշխատանքի շնորհիվ, հավանաբար կդադարեն համարվել ծանր և կտեղափոխվեն սովորական պալատ»:

Միայն երեկ հաստատվել է վարակի 58 նոր դեպք, որոնցից 25-ը եղել են կարանտինում, 31-ը հաստատված դեպքերի կոնտակտավոր են: Մյուս երկու դեպքը արտասահմանից բերված է, շփման շրջանակը, ըստ նախարարի, պարզվում է:

  • Դիտումներ՝ *