Լուրեր
Իմ հեռախոսները միշտ էլ լսել են և լսում են. խի եմ ես ձեզ այդքան հետաքրքիր՝ չգիտեմ. Զոհրաբյանը՝ նախարարին
  • 12:11
  • 2020-03-30
  • Դիտումներ՝ *

Այսօր՝ մարտի 30-ին, Ազգային ժողովում հրավիրվել է արտահերթ նիստ: Այժմ քննարկվում է Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը:

Ինչպես նշեց արդարադատության նախարար Ռուստամ Բադասյանը, կորոնավիրուսի պանդեմիայի տարածումը կանխարգելելու համար կարող է միջամտություն կատարվել անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին:

«Իմ հեռախոսները միշտ էլ լսել են և լսում են. ես արդեն իմունիտետ ունեմ. խի եմ ես ձեզ այդքան հետաքրքիր` չգիտեմ»,- նշեց «Բարգավաճ Հայաստան» խմբակցության պատգամավոր Նաիրա Զոհրաբյանը:

Նա նշեց նաև, որ մարդիկ կան, որոնք սմարթֆոններ չունեն. «Էնպես ասեցիք, որ մարդիկ հիմա կմտածեն, թե սմարթֆոններ եք բաժանելու իրենց»:

Պատգամավորը հետաքրքրվեց նաև, թե ով է տիրապետելու այդ ամբողջ տեղեկատվությանը:

 

Մանրամասները՝ տեսանյութում:

  • Դիտումներ՝ *