Արտակարգ դրությունը Երեւանի զարգացման վեկտորի վրա չի ազդի. Խոսնակ

Այս օրերին քաղաքական մի շարք գործիչներ,  մարզպետներ և այլք ակտիվորեն հրապարակումներ են ունենում,  «լայվեր մտնում»,  իրազեկում քաղաքացիներին,  կոչով հանդես գալիս։ Եվ այս ամենի ֆոնին որոշ օգտատերեր հարց են բարձրացնում՝ որտե՞ղ է քաղաքապետ Հայկ Մարությանը,  ինչո՞ւ պարբերաբար խոսքով հանդես չի գալիս և ինչո՞վ է պայմանավորված նրա պասիվությունն այս շրջանում։  Երևանի քաղաքապետի մամուլի խոսնակ Հակոբ Կարապետյանը պարզաբանում է,  որ քաղաքապետի վարքագծում որևէ փոփոխություն չի եղել, նա նույն պարբերականությամբ է հայտնվում էկրաններին, ինչպես ամսիներ առաջ։ Իսկ քաղաքապետն արդեն իսկ ելույթով հանդես եկել է,  իր խոսքն ասել է կորոնավիրուսի տարածման ու կանխարգելման առնչությամբ։