Լուրեր
Մարդու անձնական տվյալներին կկատարվի միջամտություն համաճարակի կանխարգելման նպատակով. նախարար
  • 11:40
  • 2020-03-30
  • Դիտումներ՝ *

Այսօր՝ մարտի 30-ին, Ազգային ժողովում հրավիրվել է արտահերթ նիստ: Այժմ քննարկվում է Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը:

Ինչպես նշեց արդարադատության նախարար Ռուստամ Բադասյանը, կորոնավիրուսի պանդեմիայի տարածումը կանխարգելելու համար կարող է միջամտություն կատարվել անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին. «Շեշտեմ, որ սա վերաբերում է բացառապես համաճարակի հետևանքով առաջացած արտակարգ դրությանը, այսինքն` այլ արտակարգ դրությունների դեպքում այս միջամտությունը չի ենթադրվում: Անձնական տվյալներին միջամտությունը կատարվում է արտակարգ դրության շրջանակներում և ավարտվում է արտակարգ դրության ավարտից հետո»:

Նախարարը ներկայացրեց նաև, թե ինչ է ենթադրում այս միջամտությունը, և հատուկ շեշտեց, որ հեռախոսային զանգերի կամ հաղորդագրությունների բովանդակությունը հասանելի չի լինելու:

 

Մանրամասները՝ տեսանյութում:

  • Դիտումներ՝ *