Թուրքիայում կորոնավիրուսով վարակվածների թիվը մեկ օրվա մեջ ավելացել է 1800-ով՝ հասնելով 9217-ի, մահացած մարդկանց թիվը հասել է 131-ի, հաղորդել է երկրի Առողջապահության նախարար Ֆահրեթին Քոջան։
«Այսօր 9982 թեստ է անցկացվել, որոնցից 1815-ը դրական են եղել, ընդհանուր վարակվածների թիվը մեզ մոտ 9217 է։ Մենք այսօր ևս 23 հիվանդ կորցրինք, մահացածների ընդհանուր թիվը 131 է։ Առողջացել է 105 հիվանդ, 568-ը գտնվում է վերակենդանացման բաժանմունքում»,- գրել է Քոջան Twitter-ում։