Արցախում նախընտրական քարոզարշավը հարթ չանցավ: Այս մասին «Առաջին լրատվական»-ի հետ զրույցում նշեց ԼՂՀ ինքնապաշտպանական բանակի առաջին հրամանատար Արկադի Կարապետյանը՝ հավելելով, որ մեր ժողովուրդը իմաստուն է, չի գնա սադրանքների, ընտրությունները կանցնեն առանց թշնամանքի. «Եթե դա բերի ընդհարումների, բոլորս ենք պարտվելու: Գուցե դրսի ծառայությունները ձգտում են, որ մենք իրար ուտենք»:
Կարապետյանը Արցախում երկրորդ փուլի հավանականությունը չի բացառում. «Երկրորդ փուլի դժվարությունը կապված կլինի կորոնավիրուսի հետ: Կորոնավիրուսը մեծ բարդություններ կառաջացնի:Եթե վիրուս կա ու վտանգավոր է, մարդկանց առողջությունը ավելի կարևոր է: Եթե ժողովրդի կյանքը առաջնահերթ է, Արցախի ընտրությունները պետք է հետաձգել»: