Ամերիկացի բժիշկ, Սննդի և դեղերի սանիտարական վերահսկողության վարչակազմի նախկին ղեկավար Սքոթ Գոթլիբը կանխատեսել է կորոնավիրուսի հերթական բռնկում ԱՄՆ առնվազն վեց նոր տարածքներում: Այս մասին նա հայտարարել է Coronavirus: One-on-one with Scott Gottlieb փոդքասթում:
Ըստ Գոթլիբի՝ առաջիկա շաբաթներին առնվազն կես տասնյակ ամերիկյան շրջանները կարող են կրկնել Նյու Յորքի ճակատագիրը: Նա նաև նշել է, որ ժամանակի ընթացքում կարանտինի խիստ սահմանափակումները հանվելու են այն տարածքներում, որոնք այդքան լուրջ չեն տուժել կորոնավիրուսային վարակի պատճառով: «Կարծում եմ, որ մենք պետք է բացատրենք Ամերիկայի քաղաքացիներին, թե ինչ է սպասվում նրանց մոտ ապագայում», – ասել է 47-ամյա բժիշկը:
