Աշխարհն ի վերջո՝ ուշացումով, բայց, այնուամենայնիվ, համակերպվեց այն իրողությանը, որ կորոնավիրուսի պայքարում դեղանյութերի և պատվաստանյութերի բացակայության պարագայում լավագույն մեթոդը ինքնամեկուսացումն է, շփումների և ազատ տեղաշարժի սահմանափակումը:
Կորոնավիրուսը և աշխարհը. ինչ դասեր քաղեց աշխարհը Իտալիայի դառը փորձից: Այս թեմայի շուրջ «Առաջին լրատվական»-ը զրուցել է երկար տարիներ Իտալիայում բնակություն հաստատած և Հայաստան վերադարձած հայ քանդակագործ Վիգեն Ավետիսի հետ:
Իտալիան կորոնավիրուսից ամենաշատ տուժած երկրների շարքում է: Կա տեսակետ, որ կորոնավիրուսի մեծ ծավալներով տարածմանը նպաստել է իտալացիների անհոգ վերաբերմունքը: Փաստորեն հասարակության վարքաբանությունը էական նշանակություն ունի կորոնավիրուսի տարածման հարցում: Անդրադառնալով այս դիտարկմանը՝ Վիգեն Ավետիսը նշեց. «Իհարկե, իտալացիները չինացիների նման չեն ՝ անկարգապահ են, ստեղծագործ, ազատ: Ընդհանրապես եվրոպական ազատության հոգևոր արժեքներով շատ դժվար է ղեկավարել եվրոպացիներին, նրանք անղեկավարելի են, քանի որ իրենց պատմության մեջ անցել են բոլոր բարիերները, գտել երջանկության բանալին և հանգիստ ապրում էին: Վերջերս արդեն ստիպված են փոխել իրենց կյանքի ձևը»:
«Ի՞նչ է կատարվում աշխարհում: Կարծում եմ՝ 21-րդ դարում դեֆիցիտ է հայտնվել, որը կապ չունի կորոնավիրուսի հետ… Վստահության դեֆիցիտ կա ամբողջ աշխարհում: Այսօր ոչ ոք ոչ մեկին չի վստահում… Մարդը կորցրել է վստահությունը բոլորի հանդեպ: Այս վիրուսը գուցե եկավ սովորեցնելու, որ պետք է վստահել լավ մասնագետներին, և պետք է ազնիվ լինել: Բոլորը բոլորին խաբում են: Հիմա երբ մարդիկ տանն են, պետք է վերանայեն իրենց կյանքը… Աշխարհը պետք է փոխվի: Տեխնոլոգիաների զարգացման այս դարում բոլորս հսկողության տակ ենք, պետք է ճիշտ ապրենք, ոչ թե շեղվենք: Եթե ազնիվ ես, հզոր ես…»,- ընդգծեց քանդակագործը:
Մանրամասն՝ տեսանյութում: