«Դժվար է կանխատեսումներ անել, քանի որ չգիտենք, թե այս ամենը երբ կավարտվի և ինչպես, բայց ակնհայտ է, որ կորոնավիրուսից հետո ամեն ինչ կփոխվի, և նույնիսկ հիմա ենք տեսնում, որ փոխություններ են տեղի ունենում տարբեր ոլորտներում»,- «Առաջին լրատվական»-ի հետ զրույցում այս մասին ասաց ոճաբան Արմեն Գալյանը՝ հավելելով, որ կլինեն ոչ միայն սոցիալական, տնտեսական փոփոխություններ, այլ նաև հոգեբանական:
Ոճաբանի դիտարկմամբ՝ ամեն ինչը կդառնա ավելի մարդկային, մարդիկ ավելի քիչ կսպառեն, այդ միտումը հայտնի էր վաղուց, նորաձևության ոլորտում կբարձրանա էկոպատասխանատվության մակարդակը, այդ պրոցեսը սկսվել է, հիմա ավելի արագ ընթացք կստանա:
Թե ինչպես է հագնվում մեր հասարակությունը և ինչ խնդիրներ կան դրա հետ կապված, Արմեն Գալյանը կարծիք հայտնեց, որ Հայաստանը այդ բնագավառում դեռ գտնվում է կայացման փուլում և կարծես դեռևս կողմոնորոշված չէ: «Մեր հասարակությունն ունի ներքին ազատության խնդիր, բացի դրանից՝ ինքներս՝ մեր տեսքին ու հագուստին հումորով վերաբերվելու խնդիր ունենք: Կա ձգտում, ցույց տալ հարստություն՝ թեկուզ թվացյալ: Դա բարդույթ է, որը խանգարում է ոճի զարգացմանը»:
«Մեր երկրի իմիջը հեղափոխությունից հետո տուրիզմի առումով բավականին բարձր էր»,- նկատեց մեր զրուցակիցը՝ հավելելով, որ կորոնավիրուսի դեմ պայքարով մենք նորովի ենք ներկայանում աշխարհին: «Մյուս կողմից՝ ունենք նաև բացեր, պետք է հստակ հասկանալ՝ զբոսաշրջիկն ինչով կցանկանա զբաղվել Հայաստանում. Պետք է կազմակերպել հետաքրքիր ճամփորդություններ, որպեսզի տուրիզմի ոլորտում երկիրը հաջողություններ գրանցի»:
Մանրամասն՝ տեսանյութում:
