Լուրեր
Արցախի իշխանությունը ընտրությունների բացասական հետևանքների թիվ մեկ պատասխանատուն է լինելու, Հայաստանը՝ ևս
  • 21:40
  • 2020-03-28
  • Դիտումներ՝ *

Դուք վերջերս եք վերադարձել Արցախից, Հայաստանում կորոնավիրուսի տարածմամբ պայմանավորված ի՞նչ իրավիճակ է այնտեղ, տպավորություններն ինչպիսի՞ն են, և առհասարակ՝ կանխարգելիչ միջոցառումներն ինչպե՞ս եք գնահատում․ «Առաջին լրատվական»-ի հարցին Վրաստանի «Ալիք մեդիա»-ի խմբագիր Արսեն Խառատյանը պատասխանեց․ «Հանրության շրջանում որոշակի մտահոգություններ կային՝ չէի ասի, թե խուճապ կար, բայց մարդիկ ուշի ուշով հետևում են, թե ինչ է տեղի ունենում աշխարհում՝ հատկապես Հայաստանում։ Բնականաբար, հաշվի առնելով այն հանգամանքը, թե որքանով է Արցախն ինտեգրված Հայաստանին, մարդիկ որոշակի մտահոգություններով հետևում են, և այն ցուցումները, որոնք տրվում են Հայաստանում, ոչ ֆորմալ կերպով տեղում իրագործում են։ Այսինքն՝ այնտեղ չկա արտակարգ դրություն, չկան այն խաղի կանոնները, որոնք գործում են Հայաստանում, սակայն մարդիկ իրենք փորձում են ինքնակազմակերպվել։ Որքան էլ որ Արցախում դեռևս հաստատված դեպք չկա, մարդիկ անորոշության մեջ են ու որոշակի մտավախություններ, այնուամենայնիվ, հանրության շրջանում առկա է»։

Մարտի 31-ին Արցախում սպասվում են համապետական ընտրություններ, և մի շարք քաղաքացիներ, այդ թվում և դուք, կոչ են անում հետաձգել ընտրությունները, բայց կարծես թե սայլը տեղից չի շարժվում։ Ընտրությունների կայանալու դեպքում ի՞նչ հնարավոր ռիսկեր կան՝ թե՛ քաղաքական, թե՛ առողջապահական տեսանկյունից․ «Առաջին լրատվական»-ի հարցին Արսեն Խառատյանը պատասխանեց․ «Իմ գալուց առաջ նախագահի թեկնածուներից Մասիս Մայիլյանը հայտարարեց ընտրարշավը դադարեցնելու մասին։ Կարծում եմ՝ շատ լավ կլինի, որ մյուս թեկնածուները նույնպես այդպես վարվեին։ Արցախն ու Հայաստանը կապված են իրար հետ, և այն խոցելի կողմերը, որոնք ունի Հայաստանը, ունի նաև Արցախը։ Տրամաբանական է, եթե ամբողջ աշխարհն է այս գործընթացի մեջ, ապա մեծ սխալ կլինի, որ թույլ տանք տեղի ունենան ընտրություններ, որովհետև ընտրությունները նույնպես զանգվածային միջոցառումներ են»։

 

 

Մանրամասները՝ տեսանյութում։

  • Դիտումներ՝ *