«Կորոնավիրուսի դեմ նաև քաղաքական պայքար է տրվում… Ակնհայտ է, որ կառավարությունը եղած ռեսուրսի (անցյալում քայքայված) և մեր հնարավորությունների պարագայում շատ արդյունավետ պայքար է մղում կորոնավիրուսի դեմ: Տեսնում ենք, որ առողջապահության նախարարը, կրթության նախարարը, ոստիկանությունը… ամբողջ մի համակարգ անցել է նոր ռեժիմի և աշխատում է: Հայաստանում օպերատիվ կառավարումը բարվոք վիճակում է»,- «Առաջին լրատվական»-ի հետ զրույցում նշեց քաղաքագետ Լևոն Շիրինյանը: Նա նաև հավելեց, որ առաջարկ ունի՝ ուղղված վարչապետին. «Նիկոլ Փաշինյանը պետք է զբաղվի երկրի ռազմավարական քաղաքականության ճշգրտումներով. ինչքանով կդիմանա մեր երկիրը այս իրավիճակին, ինչ ունի կառավարությունն իր տրամադրության տակ: Ակնհայտ է, որ մեր երկիրը «սեփականաշնորհված է», այս վիճակում երկար վազքի խնդիրը բարդանում է:
Երկրներ կան, որտեղ պետական կապիտալիզմ է, որը թույլ է տալիս պետական սեկտորի վրա մասնավորին օժանդակել և ուղղորդել քաղաքական զարգացումները, իսկ մեր երկրում շատ դժվար է: Նախապես զգուշացնում եմ, որ առաջիկայում ֆինանսական օլիգարխիան կարող է բարդություններ առաջացնել. օլիգարխիան չի օգնելու: Տոկոսադրույքների խաղ է, և ես դա վարչապետի տեսքից զգում եմ, բանկերի և այլ հարցերով սիրալիր խոսակցություն է և այլն, ակնհայտ է, որ կառավարությունն օդից է կախված, ես չեմ ուզում տագնապ ներշնչել: Բայց պարզ է, որ քրեական օլիգարխիան չհանձնվեց, պայմանական ասած՝ Քոչարյանի բանկերը, երբ Քոչարյանը նստած է, Հայաստանի ֆինանսական ծածկո՞ւյթն են ապահովելու:
Կառավարությունը պետք է իր շեշտադրումները փոխի և գիտաարդյունաբերական, մշակութային Հայաստանի ուղղությամբ քայլեր անի… Ռեսուրս չունեցող երկրները կարող են արագ ընկնել թափից»:
Մանրամասն՝ տեսանյութում: