Բարձր տեխնոլոգիական արդյունաբերության համակարգում կորոնավիրուսին համարձակորեն են արձագանքել. բոլորը շարունակում են աշխատել: «Առաջին լրատվական»-ի հետ զրույցում Բարձր տեխնոլոգիաական արդյունաբերության նախարար Հակոբ Արշակյանը նշեց. «Իհարկե ամենաքաջաբար արձագանքողները «առաջնագծում կռվող» բժիշկներն են, այնուամենայնիվ մեր համայնքը բավականին ակտիվ է և որոշակի լուծումներով է հադես եկել: Ռիսկային խմբում գտնվող մեր աշխատակիցներին խնդրել էինք հեռավար աշխատանքի անցնել՝ տնից աշխատել: Այժմ արդեն ոլորտի բոլոր աշխատակիցներն են տնից աշխատում: Մեր գրեթե բոլոր ծրագրերը վերաձևակերպվում են, մասնավորապես վերապատրաստման և բարձր տեխնոլոգիական ոլորտում կրթական ծրագրերը դարձնում ենք հեռավար:
Փաթեթ ենք պատրաստել կորոնավիրուսի դեմ պայքարի ծրագրերի համար, մրցույթ կհայտարարվի, առաջին հինգ տեղերը զբաղեցնողներին դրամաշնորհներ կտրվեն: Նպատակը բոլոր ստեղծարար իդեաները, առողջապահության, ոստիկանության համակարգերի համար ամենաարժեքավոր առաջարկները հավաքելն է, և ֆինանսավորելը, որ այդ ծրագրերը կյանքի կոչվեն: Հատուկ իրավիճակն է մեզ ստիպել գնալ այս քայլին»:
Նախարարի կարծիքով՝ անհնարին է, որ ճգնաժամը IT որոլտի կողքով անցնի. «Ոլորտի որոշ ընկերություններ կզգան ճգնաժամը, որոշներն էլ աճ կգրանցեն, մասնավորապես այն ընկերություննրը, որոնք կապված են հեռավար աշխատանքի հետ, օրինակ՝ հայկական ընկերություններից մեկը 700 տոկոս աճ էր գրանցել մի քանի օրվա ընթացքում, քանի որ զբաղվում է տեսազանգերի ընթացքում աղմուկի չեզոքացմամբ»:
Հակոբ Արշակյաին կարծիքով՝ ստեղծված իրավիճակի պատճառով՝ զբոսաշրջության և սպասարկման ոլորտները մեծ վնասներ կկրեն:
Մանրամասն՝ տեսանյութում:
