Հյուսիսային Կորեայի իշխանությունները դիմել են միջազգային հանրությանը՝ խնդրելով օգնել բարձրացնել կորոնավիրուսի առկայության թեստերի արդյունավետությունը: Այս մասին գրում է Financial Times-ը:
Ըստ պարբերականի, ԿԺԴՀ-ը վիրուսի առկայությունը ստուգող թեստեր ունի եւ գիտի, թե ինչպես դրանք կարող է օգտագործել, սակայն դրանք շատ քիչ են:
«Այդ պատճառով իշխանությունները կազմակերպություններին օգնելու խնդրանքով են դիմում»,- ասել է պարբերականի աղբյուրը:
Ըստ FT-ի, երկրի իշխանությունները այդ օգնությունը գաղտնի կերպով են խնդրել:
Կորոնավիրուսի բռնկումից հետո ԿԺԴՀ-ն վարակվելու ոչ մի դեպքի մասին չի հայտարարել: Պարբերականը նշում է, որ միջազգային փորձագետները կասկածանքով են վերաբերում նրան, որ Հյուսիսային Կորեայում մինչ օրս հիվանդներ չկան:
Պարբերականը հիշեցնում է, որ ԿԺԴՀ-ն առավել խոցելի երկրներից է՝ հաշվի առնելով նրա աշխարհագրական դիրքը: