Դիվանագետներին ժամանակավորապես տարհանում են աֆրիկյան երկրներից, ինչպես նաեւ Բանգլադեշից, Պակիստանից, Աֆղանստանից եւ Ուկրաինայից:
Շեդիայի ԱԳՆ-ը կորոնավիրուսի պատճառով հետ է կանչում դիվանագետներին եւ նրանց ընտանիքի անդամներին թույլ առողջապահական համակարգ ունեցող երկրներից: Այս մասին հաղորդում է Expressen-ը:
Նախարարությունը գնահատելով ռիսկերը, 21 երկրի ցանկ է կազմել, որտեղ հիմնականում մտել են աֆրիկյան երկրները, նաեւ Բանգլադեշը, Պակիստանը, Աֆղանստանը եւ Ուկրաինան: Սակայն Շվեդիայի դեսպանատներն այդ երկրներում ամբողջությամբ չեն փակվի:
«Մենք նաեւ պետք է հաշվի առնենք, որ մեր որոշ աշխատակիցներ եւ, հնարավոր է, նրանց ընտանիքի անդամներ կարող են ռիսկային խմբերում լինել»,- հայտարարել են նախարարությունում:
Հիշեցնենք, որ ավելի վաղ Ֆրանսիայում հայտարարվել էր ռազմական գործողությունների մասին: Ֆրանսիացի զինվորականները կկատարեն «սանիտարական և պաշտպանիչ» գործառույթներ, ասել է Մակրոնը:
Իսկ Ֆինլանդիան մինչև ապրիլի 19-ը մեկուսացնում է Ուուսիմաա նահանգը: Տարածաշրջանի ներսում հնարավոր է տեղափոխվել, բայց իշխանությունները դեռևս ինքնամեկուսացման կոչ են անում: Մարզի սահմաններից դուրս բոլոր տեղացիներին խորհուրդ է տրվում վերադառնալ տուն: