Լուրեր
Ունենք թոքերի արհեստական շնչառության 42 սարք, որից օգտագործվում է ընդամենը մեկը. Արսեն Թորոսյան
  • 17:53
  • 2020-03-25
  • Դիտումներ՝ *

Այսօր՝ մարտի 25-ին, ԱԺ-Կառավարություն հարցուպատասխանի ժամանակ «Լուսավոր Հայաստան» խմբակցության պատգամավոր Հրանտ Այվազյանի հարցի առնչությամբ առողջապահության նախարար Արսեն Թորոսյանն ասաց. «Պացիենտների թվի աճին զուգահեռ մոտեցումները փոխվում են. թեթև հաստատված ձևերով և առանց ախտանշանների պացիենտները հնարավոր է ընդհանրապես հիվանդանոցային բուժօգնություն չստանան, քանի որ դրա կարիքը չունեն»:

Նրա խոսքով` միջին և ծանր ձևերի դեպքում անհրաժեշտ է հիվանդանոցային օգնություն, որի համար ծավալվել է 4 մասնագիտացած հիվանդանոց. «Ունենք թոքերի արհեստական շնչառության 42 սարք, որից օգտագործվում է ընդամենը մեկը` մեկ պացիենտի համար, որի վիճակը ծանր է»:

Նախարարի խոսքով` եթե վիճակը վատթարանա, մահճակալները կծավալվեն նաև ոչ բուժհաստատություններում. «Այս պահի դրությամբ վիճակն այդպիսին չէ»:

 

Մանրամասները՝ տեսանյութում:

  • Դիտումներ՝ *