Բելառուսի Առողջապահության նախարարությունը տեղեկացնում է, որ երկրում կորոնավիրուսի հետ կապված շուրջ 23 հազար թեստավորում է կատարվել։
«Բելտա» լրատվական գործակալությունը հայտնում է, որ մարտի 25-ի դրությամբ դուրս են գրվել կամ դուրս գրման են պատրաստվում 29 քաղաքացիներ, որոնք վարակված են եղել կորոնավիրուսով: Բուժումից հետո նրանց մոտ թեստը բացասական արդյունք է ցույց տվել:
Նախարարության լրատվական ծառայությունը տեղեկացրել է, որ ներկայում 57 քաղաքացի բժշկական հսկողության տակ է: Եվս երկու անձ կրկնակի թեստավորման փուլում է:
Բելառուսում կորոնավիրուսի հաստատված դեպքերի թիվը 86 է: