Բրիտանիայի խորհրդարանը մարտի 25-ին քվեարկության կդնի կորոնավիրուսի պատճառով պատգամավորներին արձակուրդի ուղարկելու հարցը, հաղորդում է BBC News-ը հղում անելով սեփական աղբյուրներին: Ենթադրվում է, որ կառավարությունը կշարունակի իր աշխատանքը՝ խորհրդակցություններն անցկացնելով տեսակապի միջոցով:
Ի սկզբանե ծրագրվում էր, որ խորհրդարանը Հարության տոներին արձակուրդում կլինի՝ մարտի 31-ից: Այժմ պատգամավորներն առաջարկել են այն երկարացնել մինչեւ ապրիլի 21-ը: Այդ ժամանակվանից ստիպված են լինելու քննարկել բյուջեի նախագիծը: Դրանից հետո նրանք նոր արձակուրդի մասին կքվեարկեն:
Խորհրդարանի փակումից առաջ պատգամավորները պետք է կորոնավիրուսի դեմ պայքարի համար մի շարք հակաճգնաժամանային օրենքներ ընդունեն:
Ավելի վաղ մի քանի պատգամավորներ ինքնամեկուսացել են, քանի որ նրանց մոտ կորոնավիրուսի նախանշաններ էին հայտնաբերվել: Հիվանդությունը հաստատվել է նաեւ երկրի առողջապահության նախարար Նադին Դորրիսի մոտ:
Ներկայացուցիչների պալատի խոսնակ սըր Լինդսի Հոյլը պատգամավորներին կոչ է արել նստաշրջանի ժամանակ իրարից հեռու նստել:
Մեծ Բրիտանիայում կորոնավիրուսով վարակվելու 8077 դեպք է գրանցված, 422 հիվանդներ մահացել են: