Լուրեր
Հանրայինին կոմերցիոն գովազդ հեռարձակելու իրավունքը կստեղծի առողջ մրցակցային միջավայր. Թևոսյան
  • 14:59
  • 2020-03-25
  • Դիտումներ՝ *

Այսօր՝ մարտի 25-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Հեռուստատեսության և ռադիոյի մասին օրենքում փոփոխություններ կատարելու մասին օրենքի նախագիծը:

«Որքան էլ պարադոքսալ հնչի, Հանրային հեռուստատեսությանը կոմերցիոն գովազդ հեռարձակելու իրավունքը միտված է նաև մասնավորի շահերին և նրանց ֆինանսական դիրքերի ամրապնդմանը»,- հայտարարեց «Իմ քայլը» խմբակցության պատգամավոր Վահագն Թևոսյանը:

Նրա խոսքով` Հանրայինին գովազդային հնարավորություն տալով կստեղծվի առողջ մրցակցային միջավայր և կբացառի մեկ ընկերության կողմից գնագոյացման նախաձեռնությունը:

Պատկերավոր համեմատություն անելով` Վահագն Թևոսյանն ասաց. «Եթե ինչ-որ բան փտել է, պետք է վերանորոգես, ինչը, ցավոք, առանց փոշու ու կեղտի չի լինում»:

 

Մանրամասները՝ տեսանյութում:

  • Դիտումներ՝ *