Ըստ ոստիկանության օպերատիվ հաղորդագրությունների ամփոփագրերի` մարտի 24-ից 25-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 51 դեպք, որից 1-ը՝ նախկինում կատարված։
Մասնավորապես՝ անձնական ունեցվածքի գողության եւ խարդախության՝ 8-ական, մարմնական վնասվածք հասցնելու՝ 5, ծեծի՝ 4, թմրամիջոցի հայտնաբերման եւ փաստաթղթի կեղծիքի՝ 3-ական, յուրացման կամ վատնման, շորթման, խուլիգանության եւ պաշտոնեական լիազորությունները չարաշահելու՝ 2-ական, բռնաբարության կամ բռնաբարության փորձի, պետական, հասարակական ունեցվածքի գողության, բնակարանային գողության, գույքը դիտավորությամբ ոչնչացնելու, հարկերից խուսափելու, ապօրինի ծառահատման, մարդու եւ քաղաքացու իրավահավասարությունը խախտելու, պոռնկագրական նյութեր տարածելու, գրավատուին վնաս պատճառելու եւ սնանկության ընթացքում անօրինական գործողությունների, մարդու թրաֆիքինգի կամ շահագործման եւ ֆիզիկական ցավ կամ հոգեկան ուժեղ տառապանք պատճառելու 1-ական դեպք։
Հայտնաբերվել է 4 հետախուզվող, կամավոր ներկայացել է 1-ը։
Նախկինում կատարված հանցագործություններից բացահայտվել է մարմնական վնասվածք հասցնելու 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 12 պատահար, ինչի հետեւանքով 1 մարդ զոհվել է, 20-ը՝ ստացել տարբեր աստիճանի մարմնական վնասվածքներ: