Այսօր՝ մարտի 25-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Դատական օրենսգրքի փաթեթը 2-րդ ընթերցմամբ ընդունելու մասին հարցը:
Ի պատասխան «Լուսավոր Հայաստան» խմբակցության պատգամավոր Տարոն Սիմոնյանի հայտարարության, թե` տպավորություն է, որ այս փաթեթն ընդունվում է «թռչնակ» դնելու համար, արդարադատության նախարար Ռուստամ Բադասյանը հակադարձեց. «Էդ ո՞նց է, որ միջազգային կազմակերպությունները չեն նկատում, որ «թռչնակ» դնելու համար ենք անում, դուք նկատում եք: Դուք ձեզ հակասում եք, մեկ ասում եք` սա խիստ է, մեկ ասում, թե ավելի խիստ պետք է լիներ»:
Նախարարի խոսքով` կառավարությունը շատ համառ է և որևէ կերպ հետքայլ չի կատարելու բարեփոխումների ճանապարհից. «Շարունակելու է բերել արմատական բարեփոխումներ ենթադրող նախագծեր և քաղաքական կամք է ցուցաբերելու դրանք պրակտիկայում կիրառելու համար: Որևէ մեկին չթվա, որ մեզնից համառ է լինելու և մեզ հետ է պահելու բարեփոխումների օրակարգից»:
Մանրամասները՝ տեսանյութում:
