Ռեժիսոր Վուդի Ալենն իր հուշագրությունում պատմել է սկանդալի մասին, որն առաջացել էր իր 22-ամյա որդեգիր դստեր՝ Սուն-Ի Պրեվենի, էրոտիկ լուսանկարների պատճառով, հաղորդում է Daily Mail-ը:
Գրքում կինոռեժիսորը նկարագրել է իր հարաբերություններն ապագա կնոջ հետ, ինչպես նաև հիշել, թե ինչպես է իրենց սիրավեպին արձագանքել դերասանուհի Միա Ֆերոուն, որի հետ նրանք այդ ժամանակ ամուսնացած էին: Նրա խոսքով, թեև իր որդեգիր դուստրը շատ երիտասարդ էր, բայց «պատրաստ էր կատարելապես հասունանալու, եթե ինչ-որ մեկը սեր տածեր նրա հանդեպ»: Ալենը, որն այն ժամանակ 57 տարեկան էր, խոստովանել է, որ իրենց միջև առկա էր բուռն կիրք, որի պատճառով նրանք չէին կարողանում «ձեռքերը հեռու պահել միմյանցից»:
Ֆերոուն հայտնաբերում է Ալենի և իրենց որդեգիր դստեր էրոտիկ նկարները: Կինոռեժիսորի խոսքով, դերասանուհին ցնցված էր և զայրացած, միևնույն ժամանակ՝ շփոթված, ինչը, նրա կարծիքով, ճիշտ արձագանք էր: Այդ ժամանակ Ալենը չէր սպասում, որ Պրեվենի հետ սիրավեպը կվերածվի ամուսնության, քանի որ կարծում էր, որ նա քոլեջում կհանդիպի իրեն հասակակից որևէ երիտասարդի:
Վուդի Ալենը և Միա Ֆերոուն առանց պաշտոնապես ամուսնանալու միասին ապրել են 1980-1992 թթ.-ին և ունեն ընդհանուր որդի՝ Ռոնան Ֆերոուն: Ռեժիսորն իր որդեգիր դստեր հետ ամուսնացել է 1997 թ.-ին:
Ավելի ուշ կինոռեժիսորի մեկ այլ որդեգիր դուստրը՝ Դիլան Ֆերոուն, նրան մեղադրել է սեռական ոտնձգությունների մեջ: