Բոլորիս համար անսպասելի կորոնավիրուսը փոխեց ամբողջ աշխարհը, փակվեցին սահմանները, փակվեցին մշակութային, կրթական ծրագրերը, հետաձգվեցին նախապես ծրագրված ճամփորդությունները, ինչպես նաև մշակութային պրեմիերաները: Աշխարհը փոքրացավ-փոքրացավ և տեղավորվեց մեր սմարթֆոնների մեջ: Ինչպիսի՞ն կլինի աշխարհը կորոնավիրուսից հետո, կշարունակի՞ մնալ վիրտուալ, թե՞ ի վերջո նորից կվերադառնանք ռեալ կյանքին:
Թեմայի շուրջ «Առաջին լրատվական»-ի հետ զրույցում ԿԳՄՍ մշակույթի գծով փոխնախարար Արա Խզմալյանը նշեց, որ իր կարծիքով աշխարհը վաղուց էր փոքրացել, պարզապես պետք էր մի ցնցում, որը կարագացներ այդ փոքրացման գիտակցումը. «Եվ այդ ցնցումը եղավ հենց այս վիրուսը, համաճարակը: Թե ինչպիսին կլինի աշխարհը կորոնավիրուսից հետո, դա կախված է նրանից, թե որքան կտևի այս վիճակը: Հաճախ խոսում ենք այն մասին, որ սա փայլուն հնարավորություն է դադար առնելու, վերաիմաստավորելու մեր կյանքը, նպատակները, գործունեությունը, բայց ես վստահ եմ, որ եթե վաղը հայտարարվի, որ արդեն հաղթահարված է այս ճգնաժամը, մարդիկ շատ արագ կմոռանան, թե ինչի մասին են մտածել այս օրերին, ինչպես են պատրաստվում վերաարժևորել իրենց կյանքը, իրենց հեռանկարը, և նորից կսկսեն գործել նույն սխալները: Եվ սա վերաբերում է բոլորիս. կշարունակենք ապրել այնպես, ինչպես ապրել ենք… Բայց այն, որ ճգնաժամը շատ բաների մասին է մտածել տալիս, շատ իրողություններ է մերկացնում և դնում մեր առջև դա փաստ է:
Ճգնաժամային իրավիճակը, իհարկե, ամեն ինչ արագացնում է և կարճ ժամանակահատվածում լուծումներ գտնելու հրամայականի առաջ է կանգնեցնում»:
Անդրադառնալով հարցին, թե առաջիկա օրերին ինչ մշակութային, կրթաճանաչողական ծրագրեր են հեռարձակվելու, ԿԳՄՍ մշակույթի գծով փոխնախարարը տեղեկացրեց, որ շուտով կմեկնարկի «դասարան+դասական» ծրագրի օնլայն տարբերակը:
Մանրամասն՝ տեսանյութում:
