Այսօր՝ մարտի 24-ին, Ազգային ժողովի հայտարարությունների ժամին ԱԺ փոխխոնակ Ալեն Սիմոնյանը հայտարարեց, որ այս օրերին լավ բանի ենք ականատես լինում` դա միասնությունն է. «Պետք է ամեն ինչ անենք այդ միասնությունը խորացնելու համար: Եվ մենք պետք է մեզ այնպես պահենք, որ այն օրը, երբ գրկախառնվենք, պարզ ճակատով իրար գրկախառնվենք և վստահ լինենք, որ ամեն ինչ ճիշտ ենք արել` միասնական: Կորոնավիրուսը չի հարցնելու՝ «Բարգավաճի՞ց» ես, թե՞ «Լուսավորից»»:
Դիմելով լրատվամիջոցներին` նա ասաց, որ այս երկու տարվա ընթացքում իշխանությունն ապացուցել է ԶԼՄ-ների հետ աշխատանքի և ժողովրդավարական առումով իր բաց լինելու մակարդակը. «Եկեք չմոռանանք, որ մենք փաստացի պատերազմող երկիր ենք և եկեք զերծ մնանք շահարկումներից: Այս իրավիճակը մեր հակառակորդի կողմից ևս կարող է օգտագործվել»:
Ալեն Սիմոնյանը վստահեցրեց, որ ՀՀ կառավարությունը ոչինչ չի թաքցնում, չի ստում. «Եվ այդպես էլ շարունակելու է»:
Մանրամասները՝ տեսանյութում: