Լուրեր
Վրաստանում ոչ բոլորն են ինքնամեկուսացման ռեժիմին հետևում. հնարավոր է պարետային ժամ սահմանվի
  • 18:41
  • 2020-03-24
  • Դիտումներ՝ *

Ամբողջ աշխարհում կորոնավիրուսով վարակվածների թիվը շարունակում է աճել:  Թեմայի շուրջ  «Առաջին լրատվական»-ը զրուցել է «Բազմազգ Վրաստան» ՀԿ-ի ղեկավար Առնոլդ Ստեփանյանի հետ:

Մեր զրուցակիցը փաստեց, որ Վրաստանում կորոնավիրուսով վարակվածների թիվը մոտեցել է 7 տասնյակի, ապաքինվել է 9 մարդ, իսկ մեկուսացման մեջ է գտնվում է ավելի քան 4500 մարդ: «Վրաստանում արտակարգ դրություն է, իսկ Մառնեուլիում և Բոլնիսում կարանտինի ռեժիմ է հայտարարվել, քանի որ այստեղ վարակված անձը շփում է ունեցել ավելի քան 100 մարդու հետ: Նշեմ նաև, որ այս մունիցիպալիտներում ունենք հայկական 9 գյուղ, որոնք ևս կարանտինի մեջ են, տեղի բնակիչները իրավունք չունեն դուր գալու»:

Մեր զրուցակիցը ընդգծեց, որ տվյալ փուլում  բժիշկները և բոլոր կառույցները, որոնք աշխատում են կորոնավիրուսի տարածումը կանխելու ուղղությամբ, հաղթահարում են իրավիճակը: Հարցին, թե ինչպիսի՞ն է քաղաքացիների տրամադրությունը, վերաբերմունքը, արդյոք նրանք գոհ են ձեռնարկվող կանխարգելիչ միջոցառումներից, Ստեփանյանը պատասխանեց. «Կառավարությունը հաղթահարում է իրավիճակը, բժիշկները ևս, վարակվածների քանակն այնքան շատ չէ, որպեսզի մեր առողջապահական համակարգը չկարողանա գլուխ հանել… Դժգոհության միակ պատճառն այն է, որ ինքնամեկուսացման ռեժիմին ոչ բոլորն են հետևում, մարդիկ զբոսնում են, ինտենսիվ է նաև ճանապարհային երթևեկությունը»:

Մեր զրուցակիցը կարծում է, որ եթե իրավիճակն այսպես շարունակվի, Վրաստանի իշխանությունները առաջիկա օրերին պարետային ժամ կսահմանեն:

 

Առավել մանրամասն՝ տեսանյութում:

 

  • Դիտումներ՝ *