Ֆրանսիացի զբոսաշրջիկը Բալիում, բանուկ փողոցում մահացել է կորոնավիրուսից։ Այս մասին հաղորդում է news.com.au կայքը։
Պարբերականի տվյալներով, 72-ամյա Ջերարդ Ֆիլիպ Ֆոլեն մահացել է անցյալ շաբաթ Դենպասարում։ Նա մոտոցիկլետ է նստել, որպեսզի անցնի քաղաքի կենտրոնական փողոցներից մեկով և անսպասելի ընկել ու մահացել է։
Ի սկզբանե մահվան պատճառ է համարվել սրտի նոպան կամ ալկոհոլային թունավորումը։
Ֆրանսիացու մահվան ականատեսներից մեկը լրագրողներին պատմել է, որ կողքից իրոք այնպիսի տպավորություն է եղել, թե տղամարդը ալկոհոլից է թունավորվել կամ նրան կաթված է խփել։ Դեպքից անմիջապես հետո ոստիկանները կորոնավիրուսի ստուգման բրիգադ են կանչել։
«Տղամարդը շատ արագ էր շնչում, նա գունատվեց, շրթունքները կապտեցին։ Նա մահացավ նախքան բժիշկների հասնելը»,- պատմել է տեղի բնակիչը։
Մի քանի օր անց դատաբժշկական փորձաքննության արդյունքները ցույց են տվել, որ Ֆոլլեն կորոնավիրուսով է վարակված եղել։
Նշվում է նաև, որ Բալիում կորոնավիրուսով առաջին հիվանդը Մեծ Բրիտանիայի քաղաքացի է եղել։
Ինդոնեզիայում ընդհանուր առմամբ կորոնավիրուսի հաստատված 369 դեպք կա։ 32 մարդ մահացել է։