Հոնկոնգում շան մոտ կորոնավիրուսի վարակ է գրանցվել։ Ավելի վաղ կենդանու տերը հոսպիտալացվել էր միևնույն հիվանդությամբ։ Այդ մասին հայտարարել է Կենդանիների առողջության պահպանման համաշխարհային կազմակերպությունը՝ տեղեկացնում է ria.ru-ն։
«Մի տան մեջ ապրող երկու շները մարտի 18-ին, այն բանից հետո, երբ նրանց տիրոջ մոտ COVID-19 է հայտնաբերվել, մեկուսացվել են։ Կենդանիներին մեկուսարանում տեղավորելուց հետո նրանց թուքը վերցվել և հետազոտվել է։ Շներից մեկից վերցված նյութերի հետազոտման արդյունքում բժիշկները SARS-CoV-2 են հայտնաբերել»,- ասվում է հայտարարության մեջ։