Այս օրերին աշխարհում չեղարկվում են մասշտաբային մի շարք միջոցառումներ, բայց դեռևս հստակություն չկա Տոկիոյի օլիմպիական խաղերի վերաբերյալ։ Հունահռոմեական ոճի ըմբշամարտիկ, ԱԺ «Իմ քայլը» խմբակցության պատգամավոր Արսեն Ջուլֆալակյանը ևս մասնակցում է քննարկումներին, նշում է՝ Օլիմպիական խաղերի չեղարկումն այս պահին բացառված է, հավանական է, որ այն հետաձգվի։
Անդրադառնալով իր մասնակցությամբ հայտնի սկանդալին, պատգամավորը նշում է, որ այս պահին գործընթացը սառեցված է, իսկ խնդրի հանրայնացումը իր արդյունքը տվել է։ Վերջերս կառավարությունը ընդունեց ՀՀ-ում բնակվող օլիմպիական չեմպիոններին և մրցանակակիրներին ցմահ պատվովճարներ տրամադրելու որոշումը: Արսեն Ջուլֆալակյանը նշում է, որ այս որոշմանը հասնելու համար 1 տարի քրտնաջան աշխատել են։
