Ֆրանսիայում վերջին հինգ օրերի ընթացքում կարանտինի ռեժիմի ավելի քան 90 հազար օրինախախտ քաղաքացիներ տուգանվել են, գրում է ՏԱՍՍ-ը՝ հղում անելով Քաղաքացիական անվտանգության և ճգնաժամային իրավիճակների կարգավորման գլխավոր վարչության տնօրեն Ալեն Տիրիոնին։ Տիրիոնը նշել է, որ իրավապահները 1,7 միլիոն ստուգում են իրականացրել։ «Նրանց տվյալներով, միայն այսօր 22574 տուգանք է դուրս գրվել, անդորրագրերի ընդհանուր թիվը հասել է 91824-ի»,- հաղորդել է նա։
Ֆրանսիայում կորոնավիրուսով վարակված ավելի քան 16 հազար մարդ կա, մահացել է 674 մարդ, մարտի 17-ից իշխանությունները սահմանափակել են մարդկանց տեղաշարժը։ Առանց խիստ անհրաժեշտության տնից դուրս գալու նախնական տուգանքը 135 եվրո է կազմում, կրկնակի պատիժը՝ 1500 եվրո է։ Չորրորդ անդորրագրի համար օրինախախտը 3750 եվրո է վճարելու և կարող է կես տարով ազատազրկվել։
