Հայաստանում կորոնավիրուսով հիվանդ 6 քաղաքացիների վիճակն առավել բարդ է, նրանք ունեն ուղեկից հիվանդություններ եւ թոքաբորբ:
Այս մասին ֆեյսբուքյան իր էջի ուղիղ եթերում հայտարարեց Առողջապահության նախարար Արսեն Թորոսյանը՝ մանրամասնելով բոլոր հիվանդների առողջական վիճակը. «Հայաստանում ունենք հաստատված կորոնավիրուսային հիվանդության 190 դեպք, որոնց մեծ մասի առողջական վիճակը բավարար է: Նրանցից միայն 14-ի մոտ կա թոքաբորբ, եւ նրանցից 6-ի մոտ կա այնպիսի վիճակ, որ կարիք ունեն ինտենսիվ թերապիայի: Նրանք գտնվում են Նորքի ինֆեկցիոն հիվանդանոցի ռեանիմացիայում, ստանում են համապատասխան բուժում, թթվածին, սակայն ինկուբացված չեն, այսինքն՝ թոքերի արհեստական շնչառություն նրանց չի արվում: Նրանց վիճակը մի փոքր բարդ է, բայց կայուն է, ծանր չի գնահատվում, իրավիճակը վերահսկվում է:
