Սիրիայի իշխանությունները որոշել են դադարեցնել միջազգային թռիչքները՝ կապված կորոնավիրուսային վարակի տարածման հետ: Այս մասին հայտնում է РИА Новости-ն՝ վկայակոչելով ՍԱՀ-ի տրանսպորտի նախարարության ղեկավար Ալի Համուդին:
Նա հիշեցրել է, որ Սիրիայում վիրուսի վարակի որևէ դեպք առայժմ չի հայտնաբերվել: Այնուամենայնիվ, իշխանությունները որոշեցին ներմուծել մի շարք խիստ սահմանափակումներ, որպեսզի կորոնավիրուսը չթափանցի երկիր: Նման միջոցառումներից է օդային հաղորդակցության դադարեցումը բոլոր երկրների հետ, որտեղ վիրուսի բռնկում կա:
«Վերջին թռիչքը Մոսկվայից կժամանի մարտի 22-ին», – ավելացրեց նա:
Դրանից հետո Սիրիայից և դեպի Սիրիա բոլոր թռիչքները ժամանակավորապես դադարեցվելու են: Համուդը հավելել է, որ երկրում փակ են նաև սրճարանները, ռեստորանները, թանգարանները և այլ բազմամարդ հավաքատեղիներ:
