Կաթոլիկ եկեղեցին հայտարարել է, որ SARS-CoV-2 կորոնավիրուսով վարակված հավատացյալների մեղքերը ներվելու են։ Այդ մասին հայտնում է France 24-ը՝ հղում անելով Agence France-Presse-ին:
Ըստ Վատիկանի որոշման ՝ թողության հույս կարող են ունենալ նաև COVID-19-ով հիվանդացածների հարազատները, բժիշկները և նրանց առողջության համար աղոթող մարդիկ:
Մեղքերի թողություն ստանալու համար հիվանդ կաթոլիկները պետք է որոշակի թվով աղոթքներ կրկնեն և հեռակա մասնակցեն եկեղեցական կարևոր տոներին: Նրանք, ովքեր աղոթում են բժիշկների առողջության համար, պետք է ամեն օր գոնե 30 րոպե Աստվածաշունչ կարդան:
Սուրբ Պետրոսի հրապարակը և Վատիկանի թանգարանները փակ են այցելուների համար՝ Իտալիայում կորոնավիրուսային վարակի բռնկման պատճառով: Արգելվում է զանգվածային միջոցառումները, ներառյալ՝ եկեղեցական ծառայությունները: Զատկի պատարագը, որին կմասնակցի Հռոմի Պապը, անցկացվելու է դատարկ տաճարում:
Ըստ վերջին տվյալների՝ նոր կորոնավիրուսային վարակի հետևանքով մահացել է 11,4 հազար մարդ, հայտնաբերվել է վարակի 275 հազար դեպք, որոնցից 88 հազարը առողջացել են:
Կորոնավիրուսային վարակը փոխանցվում է մանր կաթիլների միջոցով, որոնք արտազատվում են հիվանդի քթից կամ բերանից՝ նստելով շրջակա առարկաների վրա: ԱՀԿ-ն խորհուրդ է տալիս վարակվածներից ավելի քան մեկ մետր հեռավորության վրա մնալ, ձեռքերը պարբերաբար լվանալ կամ ախտահանել և չմոտեցնել բերանին, քթին և աչքերին: