Չինաստանում սկսվել են նոր տեսակի կորոնավիրուսի դեմ պատվաստանյութի կլինիկական փորձարկումները՝ հայտնում են ԶԼՄ-ները՝ վկայակոչելով աղբյուրներին:
Փորձարկումների պաշտոնական մեկնարկը դեռ հաստատված չէ:
Ըստ ԶԼՄ-ների՝ փորձարկումներին մասնակցում են 18-60 տարեկան 108 կամավորներ, որոնք բաժանվել են 36 հոգուց բաղկացած երեք խմբի: Առաջինին կտրվի պատվաստանյութի ցածր դոզա, երկրորդին՝ միջին, երրորդին՝ բարձր:
Կլինիկական փորձարկումները նախատեսված են մարտի 16-ից դեկտեմբերի 31-ը:
Առաջին փուլն արդեն սկսվել է․ պատվաստանյութը ներարկել են կամավորներին, բայց քանիսին՝ նշված չէ: Հայտնի է, որ այժմ փորձարկվողները 14 օր կգտնվեն կարանտինում բժշկական հսկողության ներքո, այնուհետև նրանք պարբերաբար ստուգվելու են վեց ամիսը մեկ` պարզելու համար՝ արդյոք պատվաստանյութը որևէ կողմնակի ազդեցություն ունի, և արդյոք մարմնում ձևավորվել են կորոնավիրուսի S- սպիտակուցի դեմ հատուկ հակամարմիններ: