«Մենք արդեն ունենք շուրջ 600 մեկուսացված քաղաքացիներ, և քաղաքացիների զգոնությունը մեծացնելու համար այս նախագծի անհրաժեշտությունը կար։ Եթե նման նախագիծ բերվում է, նշանակում է՝ նման խնդիր կա։ Այս ընթացքում նաև համացանցում են եղել լուրեր այն մասին, որ մարդիկ ուղղակի չեն ենթարկվել մեկուսացման հանձնարարություններին», – «Առաջին լրատվականի» հետ հարցազրույցում ասաց ԱԺ «Իմ քայլը» խմբակցության պատգամավոր Վահագն Հովակիմյանը։
Նրա խոսքով՝ հարյուրավոր մարդիկ այսօր գտնվում են ինքնամեկուսացման մեջ, և որպեսզի վերջիններս լուրջ վերաբերվեն հարցին, անհրաժեշտ են սանկցիաներ։