Չինաստանում կորոնավիրուսով վարակման դեպքերի թիվը հասել է 81008-ի: Մարտի 20-ին դրությամբ կորոնավիրուսի դեպքերի թիվն ավելացել է ընդամենը 41-ով, գրանցվել է մահվան 7 դեպք: Նույն օրը ապաքինվել է 590 մարդ, իսկ ծանր դեպքերի թիվը նվազել է 173-ով:
Նշենք, որ ընդհանուր առմամբ գրանցվել է մահվան 3255 դեպք: Ապաքինվել է 71740 մարդ:
CՕVID-2019-ի բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախիտ բնակեցված քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն բնութագրել է որպես պանդեմիա: