Ավստրիական Տիրոլն է դարձել Եվրոպայում կորոնավիրուսի տարածման գլխավոր օջախներից մեկը։ Այս մասին հաղորդում է Der Spiegel պարբերականը։
Պարբերականի տվյալներով, շատ զբոսաշրջիկներ վարակվել են կորոնավիրուսով Պացնաուն-Իշգլ շրջանի հայտնի լեռնադահուկային հանգստավայրերից մեկում։ Մասնավորապես, նրանց թվին են պատկանում վարակված նորվեգացիների կեսից ավելին և դանիացիների մեկ երրորդը։ Տիրոլ դաշնային հողում ամբողջ Ավստրիայի բոլոր վարակվածների մեկ չորրորդն են, որտեղ արդեն 2196 դեպք է բացահայտվել։ Վեց մարդ մահացել է։
Իսլանդիան հայտարարել էր հանգստավայրի վտանգավորության մասին դեռևս մարտի 5-ին, սակայն շրջանի իշխանությունները սեզոնի վաղ փակման մասին որոշում կայացրեցին միայն մարտի 14-ին։ Եվս հինգ օր անց հողի բոլոր համայնքներում կարանտին մտցվեց։
