Համաշխարհային էկոնոմիկան կկարողանա հաղթահարել կորոնավիրուսի համավարակի հետևանքները, գտնում է Արժույթի միջազգային հիմնադրամի ռազմավարության, քաղաքականության և վերլուծության բաժնի տնօրեն Մարտին Մյուլեյզենը։ Նրա հայտարարությունը հրապարակվել է կազմակերպության կայքում։ Ճգնաժամային իրավիճակ է ստեղծվել այն ժամանակ, երբ համաշխարհային էկոնոմիկան պատրաստ է ցնցումների, նշել է Մյուլեյզենը։Նա պարզաբանել է, որ գլոբալ էկոնոմիկայի շարունակական ընդլայնումն ու զբաղվածության բարձր մակարդակը կօգնեն հաղթահարել համավարակի հետևանքները։
ԱՄՀ դեպարտամենտի ղեկավարը վստահություն է հայտնել, որ ճգնաժամը ժամանակավոր է։ Մյուլեյզենի կարծիքով, նոր տիպի կորոնավիրուսի դեմ պայքարի ամենաազդեցիկ միջոցը դրա տարածման կանխարգելումն է։
