Բրիտանիայի իշխանությունները որոշել են փակել մի շարք հասարակական վայրեր՝ կորոնավիրուսի վարակի տարածման սպառնալիքի պատճառով: Այս մասին հայտարարել է վարչապետ Բորիս Ջոնսոնը, փոխանցում է ՏԱՍՍ-ը:
Մասնավորապես, փակվելու են թագավորության բոլոր փաբերը, ռեստորանները, սրճարանները, մարզադահլիճները և կինոթատրոնները: Ջոնսոնի խոսքով, հաստատությունները հնարավորինս արագ պետք է դադարեցնեն աշխատանքը:
Միևնույն ժամանակ, այդ հաստատությունները կարող են շարունակել սննդի առաքման ծառայությունների մատուցումը: «Մենք պետք է առավել կրճատենք հիվանդության տարածումը»,- շեշտել է նա:
Նշվում է, որ սահմանափակումները կգործեն մինչև իշխանությունների կողմից նոր հրահանգների ստացումը, որոնք կփորձեն հնարավորինս շուտ չեղարկել արգելքները: Ջոնսոնը հավելել է, որ կորոնավիրուսի դեմ պայքարը ընդհանուր խնդիր է բոլոր բրիտանացիների համար:
Վերջին տվյալների համաձայն Մեծ Բրիտանիայում գրանցվել է կորոնավիրուսով վարակի գրեթե 3.3 հազար դեպք. մահացել է 167 մարդ, ապաքինվել է 65-ը: