ԱՄՆ Նյու Ջերսի նահանգում տարեց կինը և նրա երեք երեխաները մահացել են կորոնավիրուսից մեկը մյուսի հետևից՝ մեկ շաբաթվա ընթացքում, գրում է The New York Times-ը:
Մարտի սկզբին 73-ամյա Գրեյս Ֆուսկոն, որն ուներ 11 երեխա և 27 թոռ, ավանդական ընտանեկան ընթրիք էր կազմակերպել, որի ժամանակ էլ, ենթադրաբար, հարազատները միմյանց վարակել են կորոնավիրուսով:
Սկզբում մահացել են նրա ավագ որդին և դուստրը, որոնք մոտ 55 տարեկան էին: Մի քանի օր անց, առանց գիտակցության գալու, մահացել է Գրեյսը: Հաջորդ օրը կնոջ որդիներից մեկը նույնպես մահացել է:
Ընտանիքի 19 անդամները մեկուսացված են: Երկուսը գտնվում են վերակենդանացման բաժանմունքում:
ԱՄՆ-ում ավելի քան 16.5 հազար մարդ վարակվել է կորոնավիրուսով, մահացել է 225 մարդ: