«ԱԳՆ-ն աշխատում է արտակարգ ռեժիմի պայմաններում, այդ ռեժիմին անցնելը մեզ մոտ սկսվել է հունվարից, երբ նոր կորոնավիրուսը սկսեց զարգանալ և տարածվել Չինաստանում: Անմիջապես գործի անցավ Չինաստանում ՀՀ դեսպանությունը՝ անհրաժեշտ էր գրանցել ՀՀ քաղաքացիներին, որոնք գտնվում էին Չինաստանում և գնահատել, թե ովքեր են գտնվում վտանագավոր գոտիներում, և ինչպես կազմակերպել բազմաբնույթ աշխատանքները: Մոտ 600 քաղաքացի գրանցվել էր, որոնց հետ ամենժամյա հաղորդակցության մեջ էինք: Ուհանից տարհանեցինք 2 ՀՀ քաղաքացիների»,- այս ամսին «Առաջին լրատվական»-ի հետ զրույցում ասաց Արտաքին գործերի նախարարի տեղակալ Ավետ Ադոնցը: Նա նաև հավելեց, որ երբ որ Իտալիայում սկսվեց ճգնաժամը, նույն ձևաչափով գործի անցան ԱԳՆ-ն և Իտալիայում ՀՀ դեսպանությունը:
«Մեր բոլոր դեսպանատների թեժ գծերն աշխատում են 24-ժամյա ռեժիմով»,- վստահեցրեց փոխնախարարը:
«Կոչ ենք անում զերծ մնալ արտասահմանյան գործուղումներից, անկանխատեսելի զարգացումներ են»,- նշեց Ավետ Ադոնցը:
Մանրամասն՝ տեսանյութում:
