Կարիք չկա կառավարման համակարգը հինգ տարին մեկ սթրեսի ենթարկել․ Տարոն Սիմոնյան

«Անձամբ չեմ կարդացել հայտարարության տեքստը, որոշմանն էլ ծանոթ չեմ, բայց պետք է նշեմ, որ երբ մենք կասկածներ ենք արտահայտում ինչ-որ հանգամանքի վերաբերյալ, դա չի նշանակում, որ մենք գտել ենք, այսպես ասած, մեղադրյալին, մեղադրանքն էլ ապացուցել ենք։ Մենք պարզապես ուզում ենք՝ սկսվի գործընթաց, որը վեր կհանի այն հիմքերը, որոնցով կապացուցվեն կամ կհերքվեն ենթադրյալ կասկածները կամ մեղադրանքները։ Հետևաբար, այս ամենը պետք է գնահատել հենց այդ համատեքստում։ Եթե այդ հանձնաժողովը եկել է այն եզրակացությանը, որ անձի կողմից որևէ իրավախախտում չի կատարվել, սա հարցի մյուս կողմն է։ Մենք կուսումնասիրենք որոշումը և մեր եզրակացությունը դրանք համահունչ կտանք։ Իսկ այն, որ մեր խմբակցության ներկայացրախ անձը նախագահում է Կոռուպցիայի կանխարգելման հանձնաժողովը, չի նշանակում, որ նա մեր կամքն է արտահայտում. դա որևէ կապ չունի։ Հանձնաժողովի անդամներն անկախ են և իրենց խղճով ու կամքով են առաջնորդվում»,- «Առաջին լրատվական-ի հետ զրույցում ասաց ԱԺ ԼՀԿ խմբակցության պատգամավոր Տարոն Սիմոնյանը՝ անդրադառնալով կոռուպցիայի կանխարգելման հանձնաժողովի հայտարարությանը: