Մարտի 19-ին և 20-ին Թուրքիայի արևելյան Էլազըղ (պատմ. Խարբերդ) նահանգի Սիվրիջե շրջանում 55 երկրաշարժ է գրանցվել 12 ժամում, որոնցից առաջինը եղել 5․1 մագնիտուդ ուժգնությամբ:
Առաջին երկրաշարժը տեղի է ունեցել տեղական ժամանակով 20։53-ին, իսկ էպիկենտրոնը գտնվել է 5․5կմ խորության վրա, հաղորդում է Թուրքիայի կառավարության աղետների և արտակարգ իրավիճակների վարչությունը (AFAD) ։
Երկրաշարժի հետևանքով զոհերի և վիրավորների մասին տեղեկություններ չկան։ Երկրաշարժը զգացվել է նաև Թուրքիայի Բաթման, Ադըյաման, Շանլըուրֆա նահանգներում և հարակից շրջաններում։
Հիշեցնենք, որ հունվարի 24-ին Էլազըղի Սիվիրջե շրջանում 6․8 մագնիտուդ ուժգնությամբ ավերիչ երկրաշարժ էր տեղի ունեցել, որի հետևանքով 41 մարդ մահացել էր։