Լուրեր
Անցանկալի զարգացումների դեպքում ադեկվատ գործողություններ կիրականացնենք․ ԿԲ խորհրդի անդամ
  • 12:49
  • 2020-03-20
  • Դիտումներ՝ *

Կենտրոնական բանկը, հավատարիմ մնալով լողացող փոխարժեքի քաղաքականությանը, ունի բազմազան գործիքակազմ և երբ անցանկալի զարգացումներ լինեն կամ տատանողականության մեծացում, շուկայում կիրականացնենք ադեկվատ գործողություններ: Այս մասին այսօր լրագրողների հետ հանդիպման ժամանակ ասաց ԿԲ խորհրդի անդամ Արթուր Ստեփանյանը` անդրադառնալով արտարժույթի շուկայի փոփոխություններին, ինչպես նաև ազգային արժույթի արժեզրկման հնարավոր ռիսկերին:

«Ինչպես 2014 թվականի դեկտեմբերին, այնպես էլ հիմա մեզ կհաջողվի արտարժութային շուկան հանգիստ վիճակում պահել: Ինչ վերաբերում է ռուսական ռուբլու զարգացումներին, ապա այսօր այն համարվում է աշխարհում երկրորդ տատանողական արժույթը, ինչը ոչ միայն առնչվում է առողջապահական այս խնդիրների հետ, այլև նավթի գների տատանողականության հետ: Անորոշության մասն այս առումով շատ մեծ է, որևէ մեկն այս պահին չի կարողանում հասկանալ, թե ինչպիսի զարգացումներ կլինեն ռուսական արժույթի հետ կապված: Մենք մշտապես հետևում ենք, թե ինչ է տեղի ունենում և կարծում եմ մեր քաղաքականությունն այնպիսին է լինելու, որ հավասարակշռենք կայունությունները և հավասարակշռենք դրանք մեր տնտեսական ակտիվության պահպանման հետ»,-ասաց Արթուր Ստեփանյանը:

  • Դիտումներ՝ *