«Այո, արտակարգ դրությունից հետո հիսունից վաթսունհինգ օր ժամանակահատված ունենք։ Ազդեցության առումով, բնականաբար, պրոցեսը խաթարվել է։ Եթե մենք զուտ դիտարկենք այս ամենը որպես սահմանադրական հանրաքվե, քարոզարշավի ընթացք, ապա այո՝ քարոզարշավի ընթացքը խաթարվել է։ Մենք բազմիցս նշել ենք, որ մեզ համար առաջնայինը ոչ թէ քաղաքական մրցապայքարն է, այս դեպքում նաև առաջին տեղում գալիս էր սահմանադրության վերականգնումը։ Բայց մենք ունենք մեր հանրության առողջության վտանգ, և հետևաբար հիմա սա գալիս է առաջին պլան։ Երբ որ այս խնդիրը կլուծվի, մենք էլի բնականոն ճանապարհով կգնանք հանրաքվեի, կշարունակենք քարոզարշավը։ Մինչ այս պահը քարոզարշավի ընթացքը ցույց է տվել, որ մեր քաղաքացիները բավականին դրական են տրամադրված, շատ դեպքերում մեր փոխարեն նրանք էին մեզ քարոզում, որ բնականաբար պետք է «այո» լինի և այսպիսի շատ զավեշտալի իրավիճակներում էինք նաև հայտնվում»,-«Առաջին լրատվականի» հետ զրույցում ասաց «Իմ քայլը» խմբակցության պատգամավոր Արթուր Հովհաննիսյանը։