«Հունվար ամսից մենք մեկնարկեցինք անվտանգության սեկտորի ղեկավար կազմերի հետ հանդիպումներ և այստեղ ընդունել ենք և՛ պրն Մարտիրոսյանին և՛ պրն Սարգսյանին, և խմբակցության պատգամավորները շատ տպավորված են եղել։ Որից հետո նաև շատ օպերատիվ կապի մեջ ենք եղել տարատեսակ խնդիրներով։ Ակնհայտ է, որ երկու համակարգերում էլ կան բազմաթիվ բացթողումներ, բազմաթիվ խնդիրներ, և մենք կոչ էինք անում, որ հնարավորինս շուտ նշանակվեն ոստիկանապետը և ազգային անվտանգության ծառայության տնօրենը, որպեսզի այդ անորոշությանը վերջ դրվի, և նրանք զբաղվեն ռեֆորմներով, համակարգերը կարգի բերելով։ Փաստորեն նշանակումները եղել են․ ես նախ՝ օգտվելով առիթից, շնորհավարում եմ պրն Մարտիոսյանին և պրն Սարգսյանին, մաղթում եմ արդյունավետ աշխատանք։ Բնականաբար, մենք ուշադիր հետևելու ենք և մեր առաջարկներով, քննադատություններով, մեր մոտեցումներով անընդհատ մասնակիցն ենք լինելու այդ համակարգերի առողջացման գործում»,-«Առաջին լրատվականի» հետ զրույցում ասաց ԱԺ ԼՀԿ խմբակցության ղեկավար Էդմոն Մարուքյանը՝ անդրադառնալով ԱԱԾ տնօրենի և ոստիկանապետի նշանակումներին։